सामान्य अर्थमा कुहाइएको (Palatable fermented feed) खाद्य वस्तु जुन उग्राउने पशुहरुलाई हरियो घाँसको अभाव हुँदा खुवाउन सकिन्छ, त्यहि खाद्यवस्तुलाई साईलेज भनिन्छ । अर्थात प्रशस्त हरियो घाँस पाइने समयमा घाँसलाई गुन्द्रुक वा सिन्की जस्तै तरिकाले हावा वा अक्सिजनको उपस्थिति बिना खाडल वा प्लाष्टिकको थैलाहरुमा बन्द गरी कुहाएर ३/४ महिना पछि सुख्खायाममा अर्थात कार्तिक देखि चैत्र महिनासम्म हरियो घाँसको आपुर्ति गर्न चिस्यान सहितको भण्डारण गरी राखिएको, उग्राउने पशुहरुको खाद्यवस्तुलाई साईलेज भनिन्छ ।
विशेषगरी मकै, सोरगम, ज्वार, वाजरा, जै तथा अन्य अन्नबालीहरु, स्थानीय खर घाँस, एकदलिय एक वर्ष तथा बहुवर्षे विकासे घाँसहरु (टियोसेन्टी, नेपियर आदि) र दालबाली तथा दुइदलीय घाँसहरु (बोडी, सिमी, भटमास, गहते, सिल्टुंग, अल्फाल्फा, लुसर्न, क्लोभर आदि) मिसाएर साईलेज बनाउन सकिन्छ । साईलेज बनाउन निम्न कुराहरुको आवश्यकता पर्दछ ।