खोर व्यवस्थापन

चिसो हावापानी भएको पहाडी भेगमा खोर बनाउँदा दक्षिण–पूर्व मोहडा र भित्री मधेश, खोँच र बेसी जस्ता तातो हावापानी हुने क्षेत्रहरुमा खोर बनाउँदा उत्तर–पश्चिम मोहडा पर्ने गरि निर्माण गर्नुपर्दछ । टाँडमुनि थुप्रिएको बड्कौलालाई निकाल्न, खोर सफा गर्न तथा जीवाणुको प्रकोपबाट बाख्रालाई जोगाउन बाख्राको खोर जमीनबाट करिब तीन फिट जतिको उचाइमा बनाउनुपर्दछ । बाख्राको खोर बनाउँदा पानीको निकास राम्रो सँग भएको र पानी नजम्ने ठाउँ हुनुपर्दछ । जंगली जनावरहरुले सजिलै आक्रमण गर्न नसक्ने ठाउँ हुनुपर्दछ । साथै चरन तथा घाँसेबाली, पशु स्वास्थ्य सेवा र पशु प्राविधिकका सेवाहरु, यातायात तथा बजार, स्वच्छ पिउने पानी उपलव्ध हुन सक्ने ठाउँ हुनुपर्दछ ।