गुजमुजे भाइरस

यो रोग लाग्दा नयाँ पातका मुख्य नशाहरुको वरिपरि हरियो र पहेंलो मिसिएका धब्बाहरु देखिन्छन् । यस्तो प्रकारका लक्षणहरु धेरैजसो नसाको वरिपरि प्रष्ट देखा पर्दछ । अनिश्चित आकारका छिरबिरे चिन्हहरु पुराना पातहरुको किनाराका नशाहरुबाट शुरु भै मुख्य नशासम्म देखिन्छन् । पातहरु घुम्रेका र तलमाथि उठेका हुन्छन् । बिरुवाको वृद्धि विकास रोकिन्छ र होचो हुन्छ । पात साना हुने, डाँठ, भेट्ना छोटा हुने हुन्छ । रोगी बोटमा फल नलाग्ने र लागेपनि विकृति देखापर्ने हुन्छ । यस रोगको सम्बन्धमा रोग लागेपछि उपचार गर्नुभन्दा पनि रोग लाग्नै नदिन सावधानी अपनाउनु बढी बुद्धिमतापूर्ण हुन जान्छ ।

व्यवस्थापन

1. किराबाट जोगाउन जाली वा झुल भित्र बेर्ना राख्नु पर्दछ ।
2. बायोलिफ केयर १ मि.लि. प्रतिलिटर पानीमा मिसाएर बेर्ना सारेको १० दिन पछि १५ दिनको फरकमा ३–४ पटक छर्नाले रोग बढ्न सक्दैन ।
3. रोग फैलाउने बाहेक लाही र झिंगा जस्ता रोग सार्ने किराको नियन्त्रण गर्न क्लोरपाइरिफस २ मि.लि. लिटर प्रति लिटर पानीमा मिसाई १५ दिनको अन्तरमा २-३ पटक छर्ने । 
4. रोगी बोट उखेलेर माटोमा गाड्ने वा जलाइदिने ।
5.  रोग प्रतिरोधात्मक जातहरु लगाउनु पर्दछ |