खराने रोग (Powdery mildew)

रोगको जीवाणु: Erysiphe cichoracearum
यो ढुसीबाट लाग्ने रोग हो । सुरुमा पातहरुको माथिल्लो सतहमा स-साना सेतो गोलाकार धब्बा वा थोप्ला पीनको टुप्पो जस्तै देखिन्छ । यो लक्षण बढ्दै जाँदा पातको तल्लो सतहमा छिप्पिदै गएपछि पातको डाँठ र काण्डमा पनि सर्दछ र अन्तिममा फलमा पनि सेतो धुलो लाग्दछ । जसले गर्दा फल र बिरुवाको वृद्धि हुन पनि रोकिन्छ । 

व्वयस्थापन

1.  उपचार गरेको बीउको प्रयोग गर्नुपर्दछ । 
2. खेतबारीको सरसफाइमा विशेष ध्यान दिनुपर्दछ ।
3. रोग ग्रस्त भएका तल्लो पातहरु काँटछाँट गरी जम्मा गरेर जलाउनु पर्दछ । 
4. क्याराथेन २.० मि.लि. प्रति लिटर पानीमा मिसाइ १५ दिनको फरकमा स्प्रेय गर्ने । 
5. गाईभैंसिको पिसाबलाई घाममा १५-२० दिन सम्म राख्ने । पछि यस पिसावलाई ५ भाग पानी मिसाई प्रत्येक हप्तामा स्प्रेय गर्नुपर्दछ ।