बाली टिपेपछि गरिने कर्महरू

काउली टिपेपछि पातै सहित ट्रकमा एकैतर्फ फर्काएर चिनेर राखी विभिन्न ठाउँबाट काठमाडौं ढुवानी गर्ने चलन छ । यसरी ढुवानी गर्दा काउली सुरक्षित भएको पाइएको छ । टाढा ढुवानी गर्दा पातहरू हटाएर प्लास्टिक क्रेट काठको बाकस, कागजी कार्टुनमा नहल्लने गरी राख्नुपर्छ । नजिकको स्थानीय बजारमा लैजाँदा ३–४ वटा कलिला पातसँगै जुटको बोरा, डोको वा टोकरीमा राखी ढुवानी गर्नुपर्छ । टाढाको बजारमा लैजादा आकार, आकृति, रंग र कसिलोपनका आधारमा श्रेणीकरण गरेर प्याक गरी बजार लानुपर्छ । उपभोक्ताहरूले मझौला आकारमा १५–२५ से.मि. व्यास (५०० ग्राम देखि १५०० ग्राम) भएका काउली मन पराउँदछन् ।