विभिन्न मुलुकबाट आयात गरिएका वर्ण शंकर जातहरू 

नेपालमा हालसम्म उन्मोचित भएका ४३ जातमध्ये ११ वटा उच्च पहाडमा, ४३ वटा मध्य पहाडमा र ४१ वटा तराईमा खेती गर्न सिफारिस गरिएका छन् । नेपाली काउलीका बोट मध्यम अग्ला, लामा र फराकिला प्रशस्त पातहरू सेता, ठूला, कम कसिला र उच्च गुणस्तरका लामा डाँठ डाँठमा फाट्टफुट्ट लागेका साना पात, खुकुला र हल्का पहेँला रंगका काउली लाग्दछन् । स्नोवल समूहका युरोपेली काउलीका बोट छोटा पात, गाढा र छोटा काउली चम्किला सेता कस्सिएका, कम वासनादार र उच्च गुणस्तरका हुन्छन् । हाइब्रिड जातहरू उच्च तथा ठण्डी तापक्रम सहन सक्ने क्षमतामा लगाउने समयमा र बाली अवधिमा फरक छन् । तर काउलीको गुणस्तरमा धेरै जातमा एकरूपता पाइन्छ । काउलीका केही खुला सेंचित (open pollinated) जातहरू निम्न बमोजिम रहेका छन् ।

काठमाडौं स्थानीय

मध्य महाडी क्षेत्रका लागि उपयुक्त मध्ये मौसमी जात हो । बेर्ना सारेको १००–११० मा फूलकोपी खानको लागि तयार हुन्छ । भने बीउ उत्पादन हुन २०० देखि २२० दिनसम्म लाग्दछ ।

किबोजाइन्ट

यो पछौटे जात हो, बेर्ना रोपेपछि १२०–१४० दिनमा बाली काट्न तयार हुन्छ ।

ज्यापू काउली

यो काठमाडौं स्थानीयबाट छनोट गरिएको मध्य मौसमी जात हो र यो बेर्ना सारेको ८०–११० दिनमा खानको लागि तयार हुन्छ । यो मध्य पहाडको लागि उपयुक्त जात हो ।