प्यूठाने रातो (Pyuthane red)

यो नेपालको स्थानीय जात हो । यो जात पछौटे जात हो र ढिलो तयार हुन्छ । बीउ छरेको ७०–८० दिनमा मुला तयार हुन्छ । यसको पात हरियो, सीधा र पातको नसा पनि रातो खालको हुन्छ । यो जात ३०–४० से.मि. लामो, मोटो, माथिबाट तल सानो हुँदै गएको, बाहिरी भाग रातो र सेतो मिसिएको हुन्छ र मुला गुलियो हुन्छ । यो मन्द पिरो हुन्छ । फुल गुलाबी सेतो र बीउ सानो र चेप्टो हुन्छ । यो जातको मुला करिब २ टन प्रति रोपनी उत्पादन हुन्छ । यो खासगरी पहाडी क्षेत्रमा खेती गरिन्छ र यसलाई २०५१ सालमा उन्मोचित गरिएको हो ।