सिंचाई र गोडमोल

बेर्ना सारेको २०–२५ दिनमा थप मल दिने बेलामा राम्रोसँग सतहको माटो खुकुलो पार्ने र झार हटाउने गर्नुपर्दछ । पहिलो गोडमेल गरेको २०–२५ दिनपछि फेरि गोडमेल गरेर थप मल दिनुपर्दछ । त्यसपछि आवश्यक परेमा १–२ पटक गोडमेल गर्ने र बोटको अवस्था हेरी घरमा बनाएको झोल मल युरियाको १% झोल, गाई भैसीको एक भाग पिसाबमा १० भाग पानी मिसाएर छर्कने वा एक भागमा ५ भाग मिसाएर बोटको वरिपरि माटोमा दिन सकिन्छ । सिंचाइ गरी पानी कुलेसोमा लगाउनु पर्दछ । हिउँदमा १०–१५ दिनको फरकमा र गर्मी याममा ५–७ दिनको फरकमा सिंचाइ गर्नुपर्दछ ।