बीउदर तथा बेर्ना सार्ने

एक रोपनी जमिनको लागि २५-३० ग्राम बीउ आवश्यकता पर्दछ । चार वर्गमिटरको ब्याडमा ८ के.जी. राम्ररी कुहिएको गोबर मल, ८० ग्राम डि.ए.पी. २५ ग्राम म्युरिएट अफ पोटास बीउ रोप्नु अघि ब्याडको माटोमा मिलाउनुपर्छ । बेर्ना उमेर ४-५ पाते भएपछि सार्न योग्य हुन्छ ।

चार/पाँच पाते राम्रा स्वस्थ बिरुवालाई पंक्तिबाट पंक्तिको फरक हिउँदमा ६० से.मि. र वर्षामा ७५ से.मि. तथा बोटबाट बोटको दुरी ४५ से.मि. हुने गरी हिउँदमा १ ड्याङमा २ हार र वर्षामा १ ड्याङमा १ हार बेर्ना सार्नुपर्छ । यसरी बिरुवा सार्न हिउँदमा ९० से.मि. चौडा र वर्षामा ४५ से.मि. चौडा ड्याङ बनाउनुपर्छ । ड्याडको बीचमा ३० से.मि.को कुलेसो राख्नुपर्छ ।