हावापानी तथा माटो

भान्टा गर्मी मौसमको बाली हो तथा यसको खेतीको लागि लामो गर्मी मौसम उपयुक्त हुन्छ । बोटको वृद्धि र फल लाग्नको लागि २१ देखि २७ डि.से.सम्मको तापक्रम उपयुक्त हुन्छ । न्युनतम तापक्रम १५ डि.से. भन्दा तल झरेमा वा उच्चतम तापक्रम ३५ डि.से. भन्दा बढेमा फल लाग्न कम हुन्छ । न्यानो तापक्रम र उच्च आद्र्रता भएमा बोट सप्रन्छन् । सबै किसिमका माटोमा भान्टाको खेती गर्न सकिन्छ । चिम्टाइलो दोमट माटोमा लामो बाली अवधि भएका उच्च उत्पादन दिने जात लगाउन उपयुक्त हुन्छ । माटोको पीएच मान ५.५– ६.० उपयुक्त हुन्छ ।