मिनो अर्ली (Mino early)

यो जातको मुला नेपालमा धेरै प्रचलित छ । यसको जरा सेतो हुन्छ र तलतिर टुप्पिँदै गएको हुन्छ । यसको जरा सेतो, सरदर ४० से.मि. लामो र मोटाइ ८–१० से.मि. र मध्यम कसिलो हुन्छ । एउटा मुलाको तौल ३००–४०० ग्रामको हुन्छ । यो मुला केही पिरो र गुलियो हुन्छ । यसको पात गाढा हरियो, काटिएको हुन्छ र पात तेर्सो जान्छन् । बीउ छरेको सरदर ४५–५० दिनमा जरा खान लायक हुन्छ । हत्तपत्त यसको जराको काठ नपस्ने भएकोले यसलाई सबैले मन पराउँछन् । यसको सरदर उत्पादन १.३ मे.टन प्रति रोपनी हुन्छ । यो जात तराई, पहाड र उच्च पहाडका लागि सिफारिस गरिएको छ । यो जात ४०–४५ दिनमा तयार हुन्छ र २०४६ सालमा उन्मोचित गरिएको हो ।