हावापानी तथा माटो

रामतोरिया गर्मी मौसमको बाली हो । यसको सफल खेती गर्न उच्च तापक्रम, तेजिलो घाम र ओसिलो हावा भएको ४ महिनाको बाली अवधि चाहिन्छ । शीतोष्ण क्षेत्रमा यसको खेती गर्मी मौसममा गरिन्छ । यसको बोटको वृद्धि, फूल्ने र फल्न २५–३० डि.से. तापक्रम उपयुक्त हुन्छ । दिउँसोको तापक्रम ४२ डि.से. भन्दा माथि पुगेपछि फूल झर्न थाल्दछन् । यसले तुषारो खप्न सक्दैन । रामतोरियाको खेती धेरै किसिमका माटोमा गर्न सकिन्छ । प्राङ्गारिक पदार्थ प्रशस्त भएको र पानी अडाउन सक्ने बलौटे दोमट वा दोमट माटोमा यसको खेती राम्रो हुन्छ । माटोको ६.०–७.५ पी.एच. मान उपयुक्त हुन्छ ।