​​​​​​​बेर्ना रोप्ने समय

तराई, भित्री तराई, खोंच र बेसीमा सरदर मुख्य मौसमीको काउली उत्पादन गर्न सकिन्छ । तराईमा अगौटे काउलीको बेर्ना असारमा सारे पनि असोजको अन्त्यभन्दा अगाडि बाली लिन सकिँदैन । त्यसैगरी पछौटे काउलीले पनि फागुनभन्दा ढिलो राम्रो गुणस्तरको बाली दिन कठिन छ । त्यो क्षेत्रमा जाडो याममा उत्पादन गरेको काउली ठण्डी मुलुकमा निर्यात गर्न सकिने सम्भावना छ । नेपालको मध्यपहाडमा सालभर काउली उत्पादन गर्न सकिने र यसको उत्पादन आन्तरिक बजारलाई लक्षित गर्न सकिन्छ । उच्च पहाडको काउली वर्षायाममा उत्पादन हुने हुँदा आन्तरिक बजारसहित उष्ण हावापानीका छिमेकी मुलुकमा निर्यात गर्न सकिन्छ ।

तालिका: काउलीका जातको किसिम र हावापानीका क्षेत्र अनुसार बेर्ना सार्ने र बाली लिने समय

नेपालमा तरकारीको मुख्य बजार मध्य पहाड र तराईमा छ । तराईमा काउली मुख्य मौसममा मात्र उत्पादन गर्न सकिने भएको र मध्य पहाडमा वसन्त–ग्रीष्म मौसममा उत्पादन गर्न सकिने र उच्च पहाडमा वर्षायाममा उत्पादन गर्न सकिने भएकोले यी दुई ठाउँको उत्पादनको विशेष आर्थिक महत्व छ ।