मलखाद व्यवस्थापन

काउली समूहका बालीलाई धेरै पोषण तत्व चाहिन्छ । ५०–६० डोका गोबर मल प्रति रोपनीका दरले जमिन तयारी गर्ने बेलामा दिनुपर्दछ । रासायनिक मल १० के.जी. युरिया, ८ के.जी. डी.ए.पी. र ५ के.जी. पोटास प्रति रोपनी आवश्यक पर्दछ । यीमध्ये नाइट्रोजनको आधा मात्रा र फस्फोरस र पोटासका पूरै मात्रा जमिन तयारीको अन्तिम जोताई गर्दा माटोमा मिलाउनु पर्दछ । बाँकी नाइट्रोजनको आधा मात्रा बेर्ना सारेको ३ हप्तापछि पहिलो थप मलको रूपमा दिने र बाँकी आधा मात्रा फूलकोपी लाग्न शुरु गरेको अवस्थामा दिनुपर्दछ । माटोमा सुहाग (बोरण) तथा मोलिस्डेनम तत्वको कमी भएमा बोस्याक्स ७०० ग्राम र सोडियम मोलिब्डेट ७५ ग्राम प्रति रोपनीका दरले बेर्ना सार्नुभन्दा पहिला नै माटोमा मिलाउनु पर्दछ । बेमोसमी खेती गर्दा तोरीको पिना (२५ के.जी. प्रति रोपनीका दरका साथै वृद्धि वर्धक रसायनहरूको आवश्यकता अनुसार प्रयोग गर्नुपर्दछ ।