मखमली फूललाई अंग्रेजीमा Globe amaranth भनिन्छ । यसलाई बोलीचालीको भाषामा सुपारी फूल पनि भन्ने गरिन्छ । मखमलीफूल खेती धेरै पहिला देखि गर्दै आइरहेको भएतापनि आजभोली यसको खेती व्यावसायिक रुपमा नै हुन थालेको छ । हिन्दुहरुको विशेष पर्व तिहारमा मखमली फूलको आवश्यकता पर्ने भएकोले मखमली फूलको बजार सुनिश्चित छ । यो फूल कहिल्यै नओइलाउने भएकाले तिहारमा दिदि वहिनीहरुले आफ्ना दाजुभाईहरुलाई यसको माला लगाई दिई दीर्घायुको आशिर्बाद दिने चलन रहेको छ । यसरी यसको धार्मिक महत्व पनि रहेकोले यसको माग अझ बढ्दै गईरहेको छ ।
