स्थानिय नाम : जौ
अङग्रेजी नाम : Barley
वैज्ञानिक नामः Hordeum vulgare
कोदो पछि बढि खेती गरिनेमा जौ पर्छ । यो बाली धेरै जसो गाविसहरुको लेकाली भेगमा खेती गरिन्छ । प्रमुख जातहरुमा ठाँगो, कने, कालो, ठोसे, झ्याले आदि रहेका छन् । भुटेको जौलाई पिसेर तयार गरिएको सातु एक धेरै रेशायुक्त पोषिलो खाद्य पदार्थ हो, जुन अन्यत्र जस्तै यस जिल्लामा पनि लोकप्रिय छ । पूजाआजामा जौको दाना देवी देउतालाई चढाउन प्रयोग गरिन्छ । जिल्लामा पछिल्ला वर्षहरुमा खाद्यान्नको रुपमा जौको प्रयोग घट्दै गइरहेको पाइन्छ भने घोडा, खच्चर लगायतका पशुवस्तुको दानाको रुपमा बढि प्रयोग गरिएको पाइन्छ । यस जिल्लामा जौ बाली प्रायः कार्तिक मंसिरमा लगाइ चैत देखि असार सम्म भित्र्याइन्छ । यसलाई उत्तरी उच्च भेगमा रोटी, ढिडो, सातु तथा जाँड त्यसै गरी तराई तथा मध्य पहाडमा सातु, जाँड तथा रक्सी साथै जौ बाट माल्ट बनाइ त्यसबाट बियर, व्हिस्की आदि पेय पदार्थहरु समेत वनाईन्छ ।